Meble z torgu
Bylimy w sobota na torgu, coby zrobić zakupy na niedziela. Wicie, kapusta, monka na kluski, trocha mięsa i takie tam. Jak już wszystko w taszach było, to spotkołżech znajomego. Padoł, że jego stara łazi za ciuchami a on se szuko kogś, kto sprzedowo fajne meble do salonu. Pierona, pomyślołżech, terozki nojwiększo izba nazywo sie salun.
Poszełżech z nim. Moja buczała, że musi wszystkie tasze nieś do auta. My sie downo nie widzieli, to se przynijmij pogodomy. Połazilimy kole mebli do kuchni, jakies gryfne łóżka do sypialnie i posadziłech dupa na wygodnym siedzisku kanapy. Zapodobały mi sie te wymyślate stoliczki ku kawie. Takie małe i niskie, yno do kolan. Jak jo to uwidzioł, to łod razu żech polecioł po ta moja. Ale łona już zabuczało chciała jechać do dom. Na prziszły roz jom wyciongna, coby se pooglądała te meble łod producenta.